రుద్రంగి వద్దు . . . మానాల ముద్దు

• లేదంటే పాత కమ్మర్ పల్లె కావాలి
• మానాలలో మళ్ళీ ఉద్యమ సెగలు

బతుకమ్మ, నిజామాబాద్ ప్రతినిధి : ఒకప్పుడు నిజామాబాద్ జిల్లాలో ఉన్న ఆ గ్రామం తెలంగాణ రాష్ట్రం ఏర్పడిన తర్వాత జిల్లాల పునర్విభజనలో భాగంగా రాజన్నసిరిసిల్లా జిల్లాలో కలిపారు. సంబంధిత గ్రామం కమ్మర్ పల్లి మండల కేంద్రానికి 60 కిలో మీటర్ల దూరంలో ఉందన్న కారణంతో దానిని రాజన్నసిరిసిల్లాలో కలిపి అక్కడ కొత్తగా ఏర్పాటు చేసిన రుద్రంగి మండలంలో కలిపారు. కానీ ఆ సంబురం మూణాళ్ళ ముచ్చటగానే మారింది. ఇప్పుడు ఆ గ్రామమే కొత్తగా తాండలను పంచాయితీలు చేయడంతో తమ గ్రామాన్నే మండలంగా చేయాలని లేకపోతే గతంలో మాదిరిగా కమ్మర్ పల్లి మండలంలో కలుపాలన్న డిమాండ్ ను ఎత్తుకుంది అదే మానాల గ్రామం.
పరిపాలన సౌలభ్యం కోసం గత బీఆర్ఎస్ ప్రభుత్వం గతంలో చేపట్టిన కొత్త మండలాల ఏర్పాటు ప్రక్రియలో భాగంగా నిజామాబాద్ జిల్లాలోని కమ్మర్ పల్లి మండలం పరిధిలో ఉన్న మానాల గ్రామాన్ని రాజన్న సిరిసిల్లా జిల్లాలో నూతంగా ఏర్పాటైన రుద్రంగి మండలంలోకి కలిపారు. నిత్యావసరాలు, వ్యాపార, వాణిజ్యల రీత్యా గతంలో నుండి మానాల వాసుల రవాణా అంతా రుద్రంగి వైపే ఉండేది. ఈ క్రమంలో అప్పటి ప్రభుత్వం ఆసియా ఖండంలోనే రెండవదైనా అతి పెద్ద మహిళ అమరవీరుల స్తూపం (పీపుల్స్ వార్) ఉంది.అన్నలకు కంచుకోటగా పేరొందిన మానాల గ్రామాన్ని రుద్రంగిలో కలుపడాన్ని స్థానికులు హర్షం వ్యక్తం చేసి,అప్పటి ముఖ్యమంత్రి కెసీఆర్ఐటీ మంత్రి కేటీఆర్ ల చిత్రపటాలకు పాలాభిషేకలు చేసిన మాట జగమెరిగిన సత్యం. ఈ నేపథ్యంలో రాష్ట్రంలో అసెంబ్లీ ఎన్నికల్లో కాంగ్రెస్ పార్టీ గెలిచి అధికారాన్ని చెగించుకోగా ప్రభుత్వం మారిన తరుణంలో మానాల వాసులు ఉన్నటుండి మాకు రుద్రంగి మండలం వద్దు మా మానాలనే ముద్దు మండలంగా మార్చాలని పట్టుబడుతున్నారు. అప్పుడు రుద్రంగి మండలంలో కల్పడంతో అన్ని వర్గాల ప్రజలు ఆనందం వ్యక్తం చేసి ఇప్పుడు మండలం రుద్రంగి వద్దు అనడంలో గ్రామస్థుల ఆంతర్యామేమిటో తెలియడం లేదని రాజకీయ విశ్లేషకులు అంటున్నారు. దీని వెనుక బలమైన రాజకీయ ఎత్తుగడ ఉందని విశ్లేషకులు భావిస్తున్నారు. అప్పుడు బాల్కొండ ఎమ్మెల్యేఅప్పటి ఉమ్మడి జిల్లాల మంత్రి వేముల ప్రశాంత్ రెడ్డికి మనసారా ఇష్టం లేకున్నా మానాలవాసుల అభీష్టం మేరకే మండల మార్పు జరిగిందని విశ్లేషకులు అంటున్నారు. మానాల గ్రామ వాసుల సౌలభ్యం కోసమే కొత్తగా రుద్రంగిని మండలం చేసిమానాల గ్రామ పరిధిని 16 తండాలను 8 గ్రామ పంచాయతీలుగా చేసికొత్త మండలం ఏర్పాటు చేసారని వారు చెబుతున్నారు. ఈ దృష్టితోనే అప్పుడు కొత్త మండల ఏర్పాటుకై మానాల గ్రామ పంచాయతీతో పాటు కొత్తగా తాండ జీ. పీ లు ఎనిమిదిటిని ఏర్పాటు చేసి వాటిని కలిపె రుద్రంగిని కొత్త మండలం చేశారని చెబుతున్నారు.

మానాల గ్రామస్థులు కోరుతున్నట్లు మానాలను మండలం చేసినావేరే మండలానికి మార్చినా రుద్రంగికి వేరే గ్రామాలు, గ్రామ పంచాయతీలు ఉండవు. ఒక్క గ్రామాన్నే మండలం గా ఉంచడం సాధ్యం కానేకాదు . ఈ నేపథ్యంలో ఇటు మానాలకు అటు రుద్రంగికి ఈ ప్రభుత్వంలో ఓ ప్రత్యేకత ఉంది. వేములవాడ ఎమ్మెల్యే అది శ్రీనివాస్ రుద్రంగి వాస్తవ్యుడు కాగా స్టేట్ కోఆపరేటివ్ కార్పొరేషన్ ఛైర్మన్ డీసీసీ ప్రెసిడెంట్ మానాల మోహన్ రెడ్డి మానాల వాస్తవ్యులు కావడం కొస మెరుపు. కాగా మానాల గ్రామం ముందునుంచి రాజకీయ చైతన్యంగల గ్రామం. కాగా మానాల గ్రామ పంచాయతీ తో పాటు ఈ కొత్త తాండలకు చెందిన నూతన ఎనిమిది గ్రామ పంచాయతీలతో కలిపి మానాల గ్రామాన్నే నూతన మండలంగా మార్చాలని కోరుతున్నారు. ఈ క్రమంలో స్థానిక గ్రామకమీటిల ఆధ్వర్యంలో ఆందోళనకు సిద్దమౌతున్నారు. ఇందులో భాగంగానే ఈ నెల 12న మానాలతో పాటు మిగితా 8 నూతన గ్రామ పంచాయతీల పరిది ప్రజలు మానాల గ్రామ పంచాయతీ భవనం వద్ద సమావేశమై అన్ని గ్రామ పంచాయతీల నుండి దీనికి సంబందించిన అనుకూల తీర్మానలను తెప్పించుకున్నారు. మండలం మార్పు కోసం అన్ని సంఘాల వారిగా పెద్ద మనుషులు సమావేశామై ఓ ప్రత్యేక కమీటిని ఏర్పాటు చేశారు.మండలం మార్పు జరిగే వరకు తాము ఊరుకొనేది లేదని మానాల గ్రామస్థులు భీష్మించునున్నారు. మరి అటు రుద్రంగి ఇటు మానాల మండల మార్పు పంచాయతీ సీ.ఎం రేవంత్ రెడ్డి పెషికు పోనున్నట్లు అత్యంత విశ్వసనీయ సమాచారం. కాగా తన సొంత గ్రామం రుద్రంగిని మండలం గా అభివృద్ధి చేసుకోవాలనే తపనలో ఎమ్మెల్యే అది శీను ఇటు తాన స్వగ్రామం మానాలను మండలంగా మార్చాలన్న నిజామాబాద్ జిల్లా కాంగ్రెస్ అధ్యక్షులు, స్టేట్ కోఆపరేటివ్ యూనియన్ చైర్మన్ మానాల మోహన్ రెడ్డిల తపన నెగ్గుతుందో వేచి చూడాలి.