దొన్కల్ గ్రామంలో సైన్స్ ల్యాబ్ పనులు ప్రారంభం

బతుకమ్మ, మోర్తాడ్:  మోర్తాడ్ మండలం దొనకల్ గ్రామంలో 13.50లక్షల నిధులతో సైన్స్ ల్యాబ్ నిర్మాణానికి మంజూరు కావడం జరిగిందని మోర్తాడ్ కాంగ్రెస్ పార్టీ మండల అధ్యక్షుడు ముత్యాల రాములు అన్నారు. శుక్రవారం గ్రామంలో సైన్స్ ల్యాబ్ పనులు ప్రారంభించారు. దొన్కల్ గ్రామంలో సైన్స్ లాబ్ కొరకు బాల్కొండ నియోజకవర్గ కాంగ్రెస్ పార్టీ ఇంచార్జ్ ముత్యాల సునీల్ కుమార్ చొరవ తీసుకొని నిధులను మంజూరు చేయించారని పేర్కొన్నారు. దీంతో దోన్కల్ గ్రామస్తులు ఆయనకు కృతజ్ఞతలు తెలిపారు. కార్యక్రమంలో మోర్తాడ్ మండల ఇంచార్జ్ లు వై శ్రీ, మారుడి సురేష్ ,నర్సన్న, దొనకల్ గ్రామ కాంగ్రెస్ పార్టీ అధ్యక్షులు అనిల్ ,రాజకుమార్,రవి, కార్యకర్తలు పాల్గొన్నారు.