బతుకమ్మ వార్తకు స్పందించిన స్థానికులు, అధికారులు
బతుకమ్మ, నిజామాబాద్ సిటీ : ప్రధాన రహదారిపై గుంత.. ప్రయాణికులకు చింత అనే శీర్షికతో బుధవారం బతుకమ్మ దినపత్రికలో ప్రచురమైన వార్త శీర్షికకు స్థానికులు, మున్సిపల్ అధికారులు స్పందించారు. ఆర్మూర్ నుండి నిజామాబాద్ వచ్చే రహదారిలో విజయ్ హై స్కూల్ సమీపంలో ఏర్పడ్డ భారీ గుంతపై బుధవారం బతుకమ్మ వార్త ప్రచురించింది.
ఈ నేపథ్యంలో నిజామాబాద్ మున్సిపల్ అధికారులు వెంటనే స్పందించి అక్కడ ఏర్పడిన గుంట లో మరమ్మతులు చేపించి తాత్కాలికంగా మొరం వేయించారు. వారికి సహాయంగా స్థానికులు కూడా సహాయపడ్డారు. ఇదిలా ఉండగా సమస్యను గుర్తించి వార్త దినపత్రికల్లో ప్రచురించిన బతుకమ్మ దినపత్రికను స్థానికులు అభినందించారు.
