మొక్క నాటు అమ్మ పేరు మీద
- కార్యక్రమంలో పాల్గొన్న ఎంపీడీవో అనంతరావు
బతుకమ్మ,ఇందల్వాయి : ఇందల్వాయి మండల కేంద్రంలోని ఇందల్వాయి గ్రామంలో గురువారం శ్రీ లక్ష్మీనరసింహస్వామి మందిరం నుండి ఇందల్వాయి రామాలయం కమాన్ వరకు రోడ్డుకు ఇరువైపులా మొక్కలు నాటుట కార్యక్రమంలో భాగంగా ‘మొక్కలు నాటుదం అమ్మ పేరు పైన”అనే కార్యక్రమంలో ముఖ్యఅతిథిగా మండల పరిషత్ అభివృద్ధి అధికారి అనంతరావు పాల్గొని మొక్కను నాటడం జరిగింది. రోడ్డుకి ఇరువైపులా నాటుతున్న మొక్కల కు ట్రిగార్లు కచ్చితంగా పెట్టి సాసర ఫీట్లు చేయించాలని పేర్కొన్నారు.అనంతరం ఎంపీడీవో అనంతరావు మాట్లాడుతూ ప్రతి గ్రామంలో పచ్చదనం పరిశుభ్రతను పాటించి పర్యావరణ పరిరక్షణన్ని పాటించాలని సూచించారు. ఇందల్వాయి రేంజ్ ఆవరణలో ఫారెస్ట్ శాఖ సిబ్బంది ఆధ్వర్యంలో ఫారెస్ట్ రేంజ్ అధికారి రవి బట్ ఆధ్వర్యంలో మొక్కలు నాటారు.ఎవరైనా నిర్లక్యం చేసినట్లయితే చట్టరీత్యా చర్యలు తీసుకోబడుతుందని హెచ్చరించారు ప్రతి ఒక్కరు దీనిని గమనించాలన్నారు. తెలంగాణ రాష్ట్ర ప్రభుత్వం నిర్దేశించిన వనహోత్సవ కార్యక్రమాన్ని మండలంలోని అన్ని గ్రామాలలో తమ నిర్దేశిత లక్ష్యాన్ని చేరుకోవాలని సూచించారు. ఈ కార్యక్రమంలో ఏపీవో పోశెట్టి టెక్నికల్ అసిస్టెంట్ మోతిరామ్,పంచాయతీ కార్యదర్శి భరత్, ఫారెస్ట్ బీట్ ఆఫీసర్ రాకేష్ ఫారెస్ట్ సిబ్బంది,ఫీల్డ్ అసిస్టెంట్ రాములు,కారబర్ పోచయ్య, ఉపాధి హామీ కూలీలు పాల్గొన్నారు.
