14న అథ్లెటిక్స్ క్రీడలకు ఎంపిక

బతుకమ్మ నిజామాబాద్ సిటీ : నిజామాబాద్ జిల్లా అథ్లెటిక్స్ అసోసియేషన్ ఆధ్వర్యంలో ఈనెల 14వ తేదీన నగర శివ లోని నాగారం రాజారామ్ స్టేడియంలో ఉదయం 10 గంటలకు ఎంపికలు నిర్వహించడం జరుగుతుందని అధ్యక్ష, కార్యదర్శులునరాల రత్నాకర్, రాజగౌడ్ లు తెలిపారు. అదేవిధంగా ఈనెల 19 ,20 తేదీలలో ఉస్మానియా యూనివర్సిటీలో నిర్వహించబోయే రాష్ట్రస్థాయి అథ్లెటిక్స్ పోటీలకు జిల్లా జట్టుని ఎంపిక చేయడం జరుగుతుందన్నారు. అండర్ 14, 16, 18, 20 సంవత్సరాల బాలబాలికలకు 60 , 100 ,400 ,600 ,800, 2000, మీటర్లు పరుగు పందాలు లాంగ్ జంప్, షార్ట్ పుట్, జావిలిన్ త్రో, ఈవెంట్స్ నిర్వహించడం జరుగుతుందన్నారు. ఇందుకోసం ఆసక్తి గలవారు జనన ధ్రువీకరణ పత్రాలు తీసుకొని రావాలన్నారు. 13వ తేదీ సాయంత్రం ఐదు గంటల లోపు వంద రూపాయలు ఎంట్రీ ఫీజు చెల్లించి రిజిస్ట్రేషన్ చేసుకోవాలన్నారు. రిజిస్ట్రేషన్ చేసుకున్న వారికి మాత్రమే పార్టిసిపేషన్ సర్టిఫికెట్స్ ఇవ్వడం జరుగుతుందని, గెలుపొందిన అథ్లెట్స్ కు మెడల్స్, ప్రతి ఏజ్ గ్రూపులో బాలబాలికల విభాగంలో వ్యక్తిగత ఛాంపియన్షిప్, ఉత్తమ ప్రతిభ కనపరిచిన మొదటి మూడు స్కూళ్లకు ప్రధమ, ద్వితీయ, తృతీయ ఓవరాల్ ఛాంపియన్షిప్ లు అందజేయబడుతుందన్నారు. రిజిస్ట్రేషన్ కొరకు 9989040776 నెంబర్ కు సంప్రదించాలన్నారు.