ప్రతి వ్యక్తి తనకంటూ ఒక ప్రత్యేకమైన అభివృద్ధి సాధించాలి
బతుకమ్మ, మోర్తాడు: మోర్తాడ్ డిగ్రీ కళాశాల ప్రిన్సిపాల్ డాక్టర్ టి. పెద్దన్న రాష్ట్రస్థాయి ఉత్తమ ఉపాధ్యాయుడిగా ఎంపిక కావడం జరిగింది. ఈ సందర్భంగా రవీంద్ర భారతి హైదరాబాద్ లో ముఖ్యమంత్రి చేతుల మీదుగా అవార్డు అందుకున్న సందర్భాన్ని పురస్కరించుకొని మోర్తాడ్ డిగ్రీ కళాశాలలో కళాశాల సభ్యులు, విద్యార్థులు ఆయనను సోమవారం ఘనంగా సన్మానించడం జరిగింది. ఈ సందర్భంగా ఉపాధ్యాయ బృందం డాక్టర్ టీ.పెద్దన్న కళాశాల అభివృద్ధికి, పిల్లల తోడ్పాటుకు ఎంతో కృషి చేస్తున్నారని పేర్కొన్నారు. ప్రిన్సిపాల్ పెద్దన్న మాట్లాడుతూ ప్రతి ఒక్క వ్యక్తి తనకంటూ ఒక ప్రత్యేకమైన శైలిలో అభివృద్ధి సాధించాలని సందేశం ఇవ్వడం జరిగింది. ఈ కార్యక్రమంలో అధ్యాపకులు రవీందర్, భూపతి, దశరథ్, రాజన్న, అవంతి, అర్చన, పద్మ, అశోక్ తదితరులు పాల్గొన్నారు.
