కలెక్టరేట్, బతుకమ్మ: కలెక్టరేట్ కు వచ్చే దివ్యాంగులు, వృద్ధుల పరిస్థితి దారుణంగా ఉంది. ఆటోలను మెయిన్ గేట్ వద్దే నిలిపివేస్తూ లోనికి అనుమతించడం లేదు. వివిధ పనుల నిమిత్తం దివ్యాంగులు, వృద్ధులు అపసోపాలు పడుతూ లోనికి వస్తున్నారు. ద్విచక్ర వాహనదారులను లోనికి అనుమతిస్తున్నప్పటికీ ఆటోలను అనుమతించకపోవడంతో ఇబ్బందులు ఎదుర్కొంటున్నారు. కనీసం తాము వస్తున్న ఆటోలను లోనికి అనుమతించి తమను కనికరించాలని వారు కోరుతున్నారు.