బతుకమ్మ నిజామాబాద్ సిటీ : జిల్లా కేంద్రంలోని ప్రభుత్వ జనరల్ ఆస్పత్రి ఆవరణలో గుర్తు తెలియని వ్యక్తి మృతి అనుమానాస్పదంగా మంగళవారం రాత్రి మృతి చెందిన ఘటన వెలుగు చూసింది. అయితే నిత్యం అత్యంత నిఘా, సెక్యూరిటీ సిబ్బందితో పర్యవేక్షణలో ఉండే జిల్లా జనరల్ ప్రభుత్వ ఆసుపత్రిలో ఓ గుర్తు తెలియని వ్యక్తి అనుమానాస్పదంగా మృతి చెందడం పట్ల ఈ విషయం చర్చనీయాంశంగా మారింది. ఆ సమయంలో సదరు వ్యక్తి ఆస్పత్రి ఆవరణలో పడిపోయి ఉండడంతో స్థానికులు పోలీసులకు సమాచారం ఇచ్చారు. వన్ టౌన్ పోలీసులు ఘటనా స్థలానికి చేరుకుని ఆస్పత్రిలో చికిత్స నిమిత్తం తరలించారు. అయితే అప్పటికే ఆ వ్యక్తి మృతి చెందాడని వైద్యులు తెలపడంతో మృతదేహాన్ని మార్చురీకి తరలించారు. మృతుడికి సంబంధించిన వివరాలు ఎవరికైనా తెలిస్తే 8712659837, 871259714 నంబర్లకు ఫోన్ చేయవచ్చు అని వన్ టౌన్ ఎస్ హెచ్ ఓ విజయ్ బాబు సూచించారు. మృతి చెందిన వ్యక్తి ఏదైనా ఆరోగ్య సంబంధిత సమస్యలతో మృతిచెందాడా..? లేదా ఇంకా ఏదైనా కారణాలు ఉన్నాయా అనే విషయాలు తేలాల్సి ఉంది.