బతుకమ్మ,మోర్తాడ్: మోర్తాడ్ మండల కేంద్రంలో ఆదివారం సర్దార్ సర్వాయి పాపన్న గౌడ్ జయంతిని ఘనంగా నిర్వహించారు. పాపన్న గౌడ్ విగ్రహానికి పూల మాల వేసి నివాళులు అర్పించారు. ముఖ్యఅతిథిగా జిల్లా గౌడ సంఘం అధ్యక్షులు దేగం యాదగౌడ్ హాజరై మాట్లాడుతూ సర్దార్ సర్వాయి పాపన్న ప్రతి ఒక్కరికి ఆదర్శమని ఆయన స్ఫూర్తితో ముందుకు సాగాలని పేర్కొన్నారు. గ్రామంలో ఊరేగింపు నిర్వహించి, పండ్లు పంపిణీ చేశారు. కార్యక్రమంలోఆర్మూర్ డివిజన్ ప్రెసిడెంట్ కోటగిరి రామా గౌడ్, బీసీ సంఘం ప్రెసిడెంట్ అశోక్ గౌడ్, మోర్తాడ్ గౌడ సంఘ సభ్యులు తదితరులు పాల్గొన్నారు.