జెడ్పిలో ఆ కుర్చీపై కన్ను..

• రెగ్యులర్ అధికారి వచ్చిన వేరొకరికి ఇన్చార్జి బాధ్యతలు
• జిల్లా కలెక్టర్ దృష్టికి వెళ్ళని వ్యవహారం

బతుకమ్మ నిజామాబాద్: జిల్లా పరిషత్ లో ముఖ్యమైన సీటు కోసం దాగుడుమూతలు జరుగుతున్నాయి. ఇటీవల బదిలీల్లో భాగంగా సంవత్సరాలుగా పాతుకుపోయిన వారు పెద్ద సంఖ్యలో వెళ్లిపోయారు. జడ్పీలో ప్రధాన సీట్ అయినా జనరల్ సూపరింటెండెంట్ స్థానం సైతం ఖాళీ అయింది. ఈ పోస్టును జిల్లాలో సీనియర్ కు కేటాయిస్తున్నారు. చాలా కాలంగా తమకు అనుకూలంగా ఉన్నవారిని ఆ సీటులో కొనసాగింప చేసుకొని ఓ గ్రూపు ఉద్యోగులు తమ పనులు చక్కబెట్టుకుంటున్నారు. ఇలాంటి ముఖ్య సీటులోకి వేరొకరు వస్తే తమ పప్పులు ఉడకవని అందులోనే వేరే విభాగానికి చెందిన పర్యవేక్షకునికి ఇన్చార్జి బాధ్యతలు అప్పగించారు.
డిప్యూటేషన్ కోసం ప్రయత్నాలు..
జిల్లా పరిషత్ లో సీఈఓ తర్వాత పాలనపరంగా జనరల్ సూపరింటెండెంట్ పూర్తి బాధ్యతలు మోయాల్సి ఉంటుంది. చాలాకాలంగా ఇతర మండలాల్లో పనిచేసిన సీనియర్ అధికారి ఇటీవల బదిలీల్లో భాగంగా జనరల్ సీటు స్థానంలోకి వచ్చారు. చెప్పుకోవాల్సిన విషయం ఏమిటంటే.. జిల్లా పరిషత్ లో ఉద్యోగులు రెండు వర్గాలుగా విడిపోయారు. కొన్నేళ్లుగా వర్గం వారు జనరల్ సూపరింటెండెంట్ స్థానంతో పాటు ఇంకొన్ని ముఖ్య విభాగాలలో పనిచేశారు. దాదాపు వర్గం మొత్తం బదిలీ అయింది. జనరల్ సూపరింటెండెంట్ స్థానంలో ఉన్న ఉద్యోగి చక్రాంపల్లికి బదిలీ అయిన తర్వాత మళ్లీ యధా స్థానానికి వచ్చేందుకు తీగ ప్రయత్నాలు చేస్తున్నట్లు తెలిసింది. తాను లేకుంటే పరిషత్ పాలన కుంటుపడుతుందని అందులోని ముఖ్య అధికారి చోళుకొరుకుతున్నట్లు సమాచారం. సదరు అధికారి డిప్యూటేషన్ పై వచ్చేందుకు ఎమ్మెల్యే చెప్పు ప్రతిరోజు చుక్కలు పడుతున్నారని జెడ్పీ ఉద్యోగులు చర్చించుకుంటున్నారు.
సీనియర్ అధికారి వచ్చినా..
జనరల్ సూపరింటెండెంట్ సీటులో సీనియర్ అధికారి కూర్చోవాల్సి ఉంటుంది. చాలాకాలం తర్వాత సీనియర్ లాగా.. ఆయనను ఆ సీట్లోకి రాకుండా చేసి జడ్చర్లలోనే మరొకరికి ఇన్చార్జిగా ఇచ్చారని, ఇది సదరు సీనియర్ మానసికంగా వేధించడమేనని పలువురు పేర్కొంటున్నారు. సీనియర్ అధికారి ఆ సీటులో కూర్చుంటే గతంలో పనిచేసిన వారి బాగోతాలు బయటపడతాయని భయాందోళనలో ఉన్నారు. ఈ కారణంగానే జనరల్ సూపరింటెండెంట్ సీటును వారి ఆధీనంలోనే ఉంచుకునే ప్రయత్నాలు జరుగుతున్నాయి.
కలెక్టర్కు తెలియకుండానే..
జిల్లా పరిషత్ పాలకవర్గం ముగియగానే కలెక్టర్ చైర్మన్ హోదాలో బాధ్యతలు తీసుకున్నారు. పాలనపరంగా ఆయన జెడ్పి కి రాలేని పరిస్థితుల్లో ఉండటంతో ఏళ్లుగా జడ్పీలో పాతికపోయిన వారు ఆదిపత్యం చెలాయిస్తున్నారు. దీనిలో భాగంగానే జనరల్ సూపర్ ఇంటెండెంట్ సీటుకు సైతం రెగ్యులర్ అధికారి ఉన్న అందులోని ఒక విభాగం అధికారికి ఇన్చార్జి బాధ్యతలు ఇప్పించడం గమనార్హం. ఇదంతా గతంలో తాము చేసిన తప్పులను కప్పిపుచ్చుకునేందుకు చేస్తున్నట్లు బయట ప్రచారం జరుగుతుంది. బదిలీ అయినా వ్యక్తిని డిప్యూటేషన్ పై తీసుకువచ్చేందుకు పలువురు నీదల వద్ద పనిచేసే వారి ద్వారా కలెక్టర్పై ఒత్తిడి తీసుకు వస్తున్నట్లు సమాచారం.