రుద్రూర్, బతుకమ్మ : రుద్రూర్ మండల కేంద్రంలో గల శ్రీ విఠలేశ్వర స్వామి ఆలయంలో ద్వాదశిని పురస్కరించుకొని రుద్రూర్ గ్రామానికి చెందిన పత్తి లక్ష్మణ్- ప్రతిమ దంపతులు శుక్రవారం అన్నదాన కార్యక్రమాన్ని చేపట్టారు. ఆలయంలో స్వామివారికి ప్రత్యేక పూజలు నిర్వహించారు. అలాగే శ్రీ సత్యనారాయణ స్వామి వ్రతం నిర్వహించి, భక్తులకు అన్నదాన కార్యక్రమాన్ని చేపట్టారు. అన్నదాన కార్యక్రమంలో భక్తులు అధిక సంఖ్యలో పాల్గొని స్వామివారి ప్రసాదాన్ని స్వీకరించారు. ఈ కార్యక్రమంలో ఆలయ కమిటీ సభ్యులు, మహిళలు గ్రామస్తులు తదితరులు పాల్గొన్నారు.